Një person është ndaluar në Aeroportin Ndërkombëtar “Adem Jashari” pasi dyshohet se ka prezantuar një patentë shoferi të falsifikuar, e lëshuar nga një shtet tjetër. Ngjarja ka ndodhur të martën mbrëma gjatë kontrollit të dokumenteve personale dhe të automjetit. Autoritetet kanë konfiskuar patentën me urdhër të prokurorit dhe kanë intervistuar të dyshuarin, i cili më pas është liruar në procedurë të rregullt. Rasti vazhdon të hetohet nga organet kompetente për të verifikuar autenticitetin e dokumentit dhe për të marrë masat e nevojshme.