Në Zubin Potok vijojnë gërmimet për të zbuluar mbetjet mortore të viktimave të luftës së fundit në Kosovë, ku dyshohet se mund të jenë edhe pjesëtarët e grupit të njohur si “23 intelektualët”. Lutfije Ademi-Vokshi, motra e Adem Ademit, një prej anëtarëve të këtij grupi, shpreh besimin e saj të fortë se vëllai i saj dhe të tjerët mund të jenë në vendin ku po gërmohet. Ajo rrëfen momentet e vështira të zhdukjes së vëllait, duke theksuar se familja nuk ka marrë asnjë informacion të saktë për fatin e tij pas luftës, pavarësisht versioneve të ndryshme që kanë qarkulluar.