Disa persona dyshohet se janë helmuar pas konsumimit të ushqimit në dy degë të Sach Pizza në Prishtinë, njëra në qendër dhe tjetra në Çagllavicë. Një prej të prekurve ka treguar se simptomat e helmimit i janë shfaqur një ditë pas konsumimit dhe ka kërkuar trajtim mjekësor në Klinikën Infektive. Gjatë qëndrimit aty, ajo është informuar se ka edhe raste të tjera të ngjashme që lidhen me të njëjtin lokal. Situata po shqetëson qytetarët dhe autoritetet janë në vëzhgim për të sqaruar shkakun dhe për të parandaluar përhapjen e mëtejshme të helmimeve.