Mëngjesin e sotëm në plazhin e Durrësit është gjetur e pajetë një grua rreth 78-vjeçare, identiteti i së cilës mbetet i panjohur. Policia dhe grupi hetimor kanë shkuar në vendngjarje dhe trupi i të moshuarës është dërguar në spitalin rajonal për ekspertizë mjekoligjore që do të përcaktojë shkakun e vdekjes. Deri tani, dyshohet për një vdekje natyrale, por autoritetet nuk kanë dalë ende në përfundime përfundimtare. Pritet që njoftimet e mëtejshme të hedhin më shumë dritë mbi ngjarjen dhe nëse viktima ishte banore e zonës apo pushuese.