Një punonjës i Policisë së Burgjeve në Durrës është kapur në flagrancë ndërsa tentonte të kalonte lëndë narkotike për një të paraburgosur. Rasti u zbulua pas analizës së riskut dhe informacionit të siguruar në bashkëpunim me Agjencinë e Mbikëqyrjes në Sistemin e Ekzekutimit të Vendimeve Penale. Efektivi u pezullua menjëherë dhe gjatë kontrollit fizik iu gjet një sasi tjetër e dyshuar me drogë. Në IEVP Fier, autoritetet sekuestruan dy telefona celularë dhe një fishë karikimi në ambientet e paraburgimit, por ende nuk është identifikuar autori i futjes së tyre. Hetimet dhe veprimet procedurale vazhdojnë për zbardhjen e plotë të ngjarjeve.