Koen Herlaar, ekspert i kriminalistikës nga Instituti Kriminalistik i Holandës, deklaroi se gjatë 16 viteve përvojë ka përpiluar 24 akt-ekspertiza, por asnjëherë nuk ka dhënë dëshmi me gojë për mikropikat. Ai theksoi se në sistemin penal holandez nuk është normale që ekspertët të japin dëshmi për akt-ekspertizat e tyre dhe se nuk është ftuar asnjëherë për këtë qëllim. Avokati i Isni Kilajt, Joe Holmes, e pyeti për pranueshmërinë e raporteve të tij në gjykata, por Herlaar tha se nuk di nëse ato janë përdorur si prova, pasi nuk është përfshirë në seanca gjyqësore për këtë çështje. Pas këtyre pyetjeve, seanca u zhvillua në mënyrë private për të diskutuar informacione konfidenciale dhe u njoftua se më vonë do të dëgjohet dëshmitari i tretë në gjyqin ndaj Hashim Thaçit dhe të tjerëve.