Në Dhomat e Specializuara të Kosovës në Hagë ka filluar dëshminë eksperti i tretë i Prokurorisë në gjykimin ndaj Hashim Thaçit dhe të tjerëve për rastin kundër administrimit të drejtësisë. Dëshmitari, Christopher Kelly, punon me kohë të pjesshme për Zyrën e Prokurorit të Specializuar dhe ka rreth 26 vjet përvojë në fushën e forenzikës digjitale. Ai ka theksuar se puna e tij përfshin ekzaminime kompjuterike dhe telefonike, si dhe programimin me pajisjet “cellebrite” dhe “magnet”. Pas përfundimit të dëshmisë së ekspertit të kriminalistikës, mbrojtja ka deklaruar se dëshmia nuk është e plotë.