Dy kushërinjtë Niko dhe Afrim Sina, të njohur si Fasli dhe Andon, janë ekstraduar nga Shqipëria drejt Italisë për të vuajtur dënimin me burg për vrasje. Ata ishin shpallur në kërkim ndërkombëtar nga autoritetet italiane për vrasje me dashje në bashkëpunim dhe tentativë vrasjeje, ngjarje e ndodhur më 22 shtator 1999 në komunën Griciniano d’Aversa. Sina-t u arrestuan në vitin 2025 në Dibër, ku fshiheshin me identitet të rremë, dhe ishin dënuar nga Gjykata e Apelit të Napolit në vitin 2006 me nga 14 vjet e 11 muaj burgim secili. Ngjarja lidhet me përçarje për ndarjen e të ardhurave nga aktivitete të paligjshme, ku një shtetas shqiptar u vra dhe një tjetër u plagos rëndë.