Durim Bami, i akuzuar si drejtues i një grupi kriminal në zonën e Niklës, është ekstraduar nga Dubai dhe mbërriti në Shqipëri më 26 shkurt 2026. Ai u shoqërua nga Forcat Operacionale të Drejtorisë së Përgjithshme të Burgjeve dhe u dërgua në Burgun 313 në Rinas, ku do të vuajë masën e sigurisë “Arrest në burg” të caktuar nga Gjykata e Posaçme Kundër Korrupsionit dhe Krimit të Organizuar. Prokuroria e Posaçme (SPAK) e akuzon Bamin për veprat penale të sigurimit të kushteve për vrasje, drejtimin e grupit të strukturuar kriminal, kultivimin e bimëve narkotike dhe përfshirjen në organizatë kriminale. Sipas SPAK, komunikimet në aplikacionin Sky zbuluan planet e grupit të tij për ekzekutimin e ish-deputetit Arben Ndoka dhe të tjerëve, në një konflikt të armatosur mes grupeve kriminale në periudhën 2020-2021.