Policia e Kosovës ka bërë të ditur se një shtetas kosovar i kërkuar me letër-rreshtim ndërkombëtar është ekstraduar nga Gjermania në Kosovë. I njëjti ishte arrestuar nga autoritetet gjermane pasi kërkohej për veprën penale “grabitje” dhe i ishte shmangur drejtësisë për një periudhë kohore. Ekstradimi u realizua në bashkëpunim të ngushtë mes institucioneve të Kosovës dhe Gjermanisë, përmes INTERPOL-it dhe mekanizmave të bashkëpunimit ndërkombëtar policor, në përputhje me ligjet në fuqi. Policia e Kosovës thekson se do të vazhdojë bashkëpunimin me partnerët ndërkombëtarë për parandalimin dhe luftimin e kriminalitetit, duke ndjekur dhe arrestuar personat e kërkuar brenda dhe jashtë vendit.