Një 35-vjeçar shqiptar, i identifikuar si E.L., është ekstraduar nga Gjermania në Shqipëri nën dyshimin për pjesëmarrje në një grup kriminal që ka kryer mashtrime në call center, duke shkaktuar dëme prej rreth 187,000 euro për qytetarët. Operacioni i ekstradimit u realizua falë bashkëpunimit ndërkombëtar mes Drejtorisë së Interpolit dhe homologëve të Interpol Wiesbaden, në kuadër të operacionit të koduar "The Wanted". Në korrik 2025, Gjykata e Posaçme për Korrupsionin dhe Krimin e Organizuar i caktoi E.L. masën e sigurisë "Arrest në burg" për veprën penale të mashtrimit kompjuterik, të kryer si pjesë e një grupi të strukturuar kriminal. Hetimet zbuluan se grupi kishte kryer të paktën 17 raste ose tentativa mashtrimi kompjuterik përmes një call center-i të zbuluar në vitin 2024.