Një 48-vjeçar me inicialet R.I., i kërkuar ndërkombëtarisht për shpërthimin me eksploziv të një automjeti në Bulqizë më 29 qershor 2018, është ekstraduar nga Spanja në Shqipëri. Ky shtetas akuzohet për veprën penale të shkatërrimit të pronës me eksploziv, pasi kishte dëmtuar një automjet tip “Audi” në pronësi të shtetasit F.T. dhe në përdorim të pronarit të lavazhit ku ndodhi shpërthimi. Operacioni i ekstradimit u realizua falë bashkëpunimit të ngushtë ndërmjet specialistëve të Interpol Tiranës dhe Interpol Madridit, në kuadër të operacionit ndërkombëtar “The Wanted”. Gjykata e Shkallës së Parë në Dibër i kishte caktuar masën e sigurisë “Arrest në burg” për këtë person, ndërsa nga shpërthimi nuk pati dëme në njerëz, vetëm dëme materiale.