Policia e Kosovës ka realizuar ekstradimin nga Spanja të një shtetasi kosovar i kërkuar për veprën penale “Vrasje e mbetur në tentativë”. Arrestimi i tij u bë nga autoritetet spanjolle pas kërkesës ndërkombëtare të INTERPOL-it, ndërsa ekstradimi u krye në bashkëpunim të ngushtë mes institucioneve të Kosovës dhe Spanjës. Pas mbërritjes në Kosovë, i dyshuari iu dorëzua njësive të Policisë në Rajonin e Prishtinës për procedurat ligjore të mëtejshme. Policia theksoi se do të vazhdojë bashkëpunimin me institucionet vendore dhe ndërkombëtare për parandalimin dhe hetimin e aktiviteteve kriminale.