Një luftëtar brazilian i MMA-së, Rogerio Silva Santos, u ekzekutua në mënyrë brutale në qytetin Lucas do Rio Verde, Mato Grosso, pasi u ndoq dhe u qëllua disa herë në hyrje të një dyqani ushqimor. Viktima 36-vjeçare, e njohur me nofkën “Cachorro Louco”, tentoi të fshihej, por nuk arriti të shpëtonte nga dy persona të armatosur që u larguan pa u arrestuar. Rogerio, i cili kishte kandiduar në zgjedhjet lokale në vitin 2020, ishte larguar nga vendlindja e tij në shtetin Para dhe nuk dihet arsyeja e qëndrimit të tij në qytetin bujqësor ku ndodhi vrasja. Policia konfirmoi se ai u qëllua të paktën tri herë dhe ndërroi jetë para mbërritjes së emergjencës, ndërsa mediat e përshkruan ngjarjen si një ekzekutim të planifikuar.