Një ngjarje tronditëse ka ndodhur në Fushë Kosovë, ku fqinjët alarmuan autoritetet për shkak të një ere të rëndë që vinte nga një banesë në rrugën “Pajazit Islami”, në kompleksin “Mendi”. Pas hapjes së derës me autorizim të Prokurorit dhe çelësin e siguruar nga mirëmbajtësi, brenda banesës u gjet pa shenja jete Mustafë Rama, 51 vjeç. Ekipi i Emergjencës konfirmoi vdekjen, ndërsa njësitë hetimore filluan menjëherë punën për zbardhjen e rrethanave të ngjarjes. Trupi i pajetë u dërgua në Institutin e Mjekësisë Ligjore për ekzaminime të mëtejshme, ndërsa hetimet për shkaqet e vdekjes vazhdojnë nën urdhrin e Prokurorit për Krime të Rënda.