Një zjarr që shpërtheu mëngjesin pranë Institucionit Korrektues Veles – Prevalec u stabilizua fillimisht, por u rindez pasdite për shkak të erërave të forta. Flakët u përhapën drejt fshatit Vojnicë në Komunën e Çashkës, duke përfshirë zona me bar të thatë dhe bimësi të ulët, që favorizojnë përhapjen e zjarrit. Në vendngjarje janë angazhuar zjarrfikës profesionistë, vullnetarë dhe ekipe të ndryshme për të ndaluar përhapjen e mëtejshme. Për shkak të rrezikut, rruga rajonale Veles – Izvor u mbyll plotësisht dhe shoferët po ridrejtohen përmes fshatit Orizari i Epërm, ndërsa autoritetet kërkojnë kujdes maksimal dhe respektim të sinjalistikës.