Erërat e forta që përfshinë Prishtinën kanë shkaktuar rrëzimin e një lisi në qendër të kryeqytetit, duke bllokuar pjesërisht zonën përreth. Menjëherë pas ngjarjes, njësitet e Policisë së Kosovës dhe ekipet e zjarrfikësve u mobilizuan në vendin e ngjarjes për të siguruar perimetrin dhe për të nisur largimin e pemës së rrëzuar. Autoritetet raportojnë se nuk ka persona të lënduar dhe po punojnë për normalizimin e situatës dhe largimin e plotë të pengesës nga rruga. Erëra të forta janë regjistruar edhe në disa komuna të tjera, por deri tani nuk ka informacione për dëme apo të lënduar.