Veteranët e Ushtrisë Çlirimtare të Kosovës organizuan një protestë para Kuvendit të Kosovës për të kundërshtuar ekspozitën “Masakrat në Kosovë 1998-1999”, e cila sipas tyre përmbante pasaktësi për ngjarjet e luftës. Protesta, e thirrur nga OVL-UÇK, nisi në orët e para të ditës dhe u tensionua kur disa protestues tentuan të hyjnë me forcë në hyrje të Kuvendit, duke shtyrë forcat e policisë. Një pjesë e tyre arritën të çajnë kordonin policor dhe të depërtojnë më afër objektit të institucionit, duke shkaktuar eskalim të situatës. Forcat e rendit u përpoqën të ndalojnë protestuesit, por tensionet mbetën të larta gjatë zhvillimeve para Kuvendit.