Instituti i Shëndetit Publik ka konfirmuar rastin e parë me Ethet e Nilit në Shqipëri, te një 72-vjeçar nga Korça, i cili po trajtohet në Spitalin Rajonal të qytetit. Rasti dyshohet të jetë shkaktuar nga pickimi i një mushkonje në një lulishte, ku pacienti kalonte shumë kohë. Specialistët e ISHP-së kanë nisur hetimet epidemiologjike dhe entomologjike në terren për të përcaktuar praninë e mushkonjës bartëse të virusit dhe për të vendosur masat e nevojshme për kontrollin dhe dezinfektimin në zonë. Autoritetet shëndetësore monitorojnë situatën me kujdes, ndërsa infeksioni mund të shkaktojë komplikacione serioze nëse paraqitet në formë të rëndë.