Në Maqedoninë e Veriut janë konfirmuar deri tani 35 raste me ethet e Nilit Perëndimor, ndërsa tre pacientë kanë humbur jetën. Gjashtë pacientë ndodhen në gjendje kritike në Klinikën Infektive, ku shumica e të infektuarve po trajtohen, ndërsa një pacient është në një institucion privat. Ministri i Shëndetësisë, Sasho Klekovski, njoftoi se kapacitetet diagnostikuese janë rritur ndjeshëm, duke arritur deri në 8 analiza në ditë, dhe janë informuar të gjitha strukturat mjekësore për të përballuar situatën.