Mbi 400 persona janë evakuuar me varka nga gadishulli Cap-Ferret në jugperëndim të Francës, për shkak të një zjarri të madh që ka përfshirë një pyll në veri të pellgut të Arcachon. Bashkia e Arcachon njoftoi se anijet e transportit janë vendosur në katër skela dhe banorëve u është kërkuar të largohen për shkak të rrezikut. Zjarri, me origjinë të mundshme aksidentale, ka djegur deri tani 8 700 hektarë pyje dhe po përparon me shpejtësi. Fatmirësisht, nuk janë raportuar viktima, përveç një zjarrfikësi i cili ka marrë lëndime gjatë përpjekjeve për shuarjen e flakëve.