Familjarët e Jetlira Foniqit kanë reaguar pas vdekjes së saj, duke kërkuar që rasti të trajtohet me seriozitet dhe pa shpërndarje të thashethemeve për motive të paqarta si xhelozia apo tradhtia. Motra e Jetlirës ka bërë të ditur se personi i dyshuar kishte kaluar katër vite në Gjermani, ku ishte edhe i burgosur për tentim vrasjeje dhe kishte qëndruar në spital psikiatrik për rreth një muaj, pasi mjekët kishin konstatuar probleme të gjendjes së tij mendore. Gjithashtu, Jetlira, e cila ishte shtatzënë, kishte tentuar ta ndihmonte atë duke e shoqëruar në vizita mjekësore dhe duke i dhënë terapinë e përshkruar. Familja apelon për zbardhjen e plotë të ngjarjes dhe kërkon drejtësi, duke theksuar se dhimbja e tyre nuk duhet të shfrytëzohet për spekulime të paqena.