Familja Gjeli ka reaguar duke theksuar se profili në rrjetet sociale me emrin “Lule Gjeli” nuk ka asnjë lidhje me ta dhe nuk përfaqëson qëndrimet e tyre. Ata sqarojnë se personi që menaxhon këtë profil nuk është pjesëtar i familjes dhe nuk ka marrë autorizim për përdorimin e mbiemrit të tyre. Anëtari i familjes, Naim Gjeli, ka theksuar se familja distancohet nga qëndrimet e ashpra dhe gjuhë e përdorur nga ky profil, i cili ka qenë objekt i kritikave për sulmet ndaj figurave politike, veçanërisht nga opozita. Familja nënvizon se çdo deklaratë e tyre bëhet me emër dhe identitet të plotë, duke mos u fshehur pas profileve të rreme, dhe se përgjegjësia për përmbajtjen e “Lule Gjeli” është ekskluzivisht e administruesit të tij.