Familja e heroit të Kosovës, Fehmi Lladrovci, përmes një reagimi të kryetarit të Drenasit, Ramiz Lladrovcit, ka hedhur poshtë çdo pretendim për përfshirjen e emrit të tij në veprime të paligjshme të përmendura gjatë fjalës përfundimtare të Prokurorit të Specializuar në Hagë. Në deklaratë theksohet se emri i Fehmiut është përmendur në kontekstin e një hierarkie ushtarake dhe urdhrave, por këto pretendime janë të pavërteta dhe të pabazuara, pasi në periudhën e përmendur Lladrovci ndodhej në Rahovec dhe nuk kishte asnjë rol komandues apo vendimmarrës. Familja nënvizon se UÇK-ja ishte organizatë vullnetare dhe nuk kishte praktika të kushtëzimit të pranimit të ushtarëve të rinj me kryerjen e aksioneve, duke theksuar se Fehmi Lladrovci nuk ka pretenduar kurrë grada ushtarake apo ndikim në vendimet lokale. Në fund, familja kundërshton fuqishëm deklaratat e Prokurorisë në Hagë, duke e cilësuar Fehmi Lladrocin dhe bashkëluftëtarët e tij si heronj të Kosovës dhe çlirimtarë të përjetshëm.