Gjatë kontrollit të një dërgese tranzit në pikën kufitare Vermicë, Dogana e Kosovës ka zbuluar një parregullsi të rëndësishme në dokumentacionin shoqërues. Zyrtarët doganorë vunë re dy dokumente me të njëjtin numër kontrate shitblerjeje, por me vlera të ndryshme, duke ngritur dyshime për deklarim të pasaktë dhe manipulim të të dhënave. Pas harmonizimit dhe verifikimeve të mëtejshme, është iniciuar procedurë për kundërvajtje doganore sipas Kodit Doganor dhe të Akcizave Nr. 08/L-247. Dogana e Kosovës riafirmon përkushtimin e saj ndaj mbrojtjes së tregtisë së ndershme dhe forcimit të kontrolleve për parandalimin e praktikave jo ligjore në qarkullimin e mallrave.