Një fëmijë një vjeç e gjysmë në Castrop-Rauxel të Gjermanisë ka pësuar lëndime të rënda pasi hapi papritur derën e veturës në lëvizje dhe ra në rrugë. Një autoambulancë që po lëvizte pas veturës tentoi ta shmangte, por nuk arriti dhe e goditi fëmijën. Ai u dërgua me urgjencë në spital dhe ndodhet jashtë rrezikut për jetën. Autoritetet po hetojnë nëse fëmija nuk ishte i siguruar siç duhet apo arriti të hapte vetë rripin e sigurimit, ndërsa edhe ekipi i ambulancës mori mbështetje psikologjike pas ngjarjes.