Policia Rajonale e Ferizajt ka shtuar ndjeshëm aktivitetet në terren për të rritur sigurinë në komunikacion në rajonin që përfshin Ferizajn, Kaçanikun, Shtimen, Shtërpcën dhe Hanin e Elezit. Gjatë 24 orëve të fundit janë regjistruar 10 aksidente trafiku, prej të cilave dy kanë rezultuar me lëndime trupore të dy personave, ndërsa tetë të tjera kanë shkaktuar vetëm dëme materiale. Në kuadër të kontrolleve të shtuara, policia ka shqiptuar gjithsej 369 gjoba për kundërvajtje të ndryshme në trafik. Autoritetet bëjnë apel për respektimin e rregullave të komunikacionit dhe kujdes të shtuar gjatë ngasjes, me qëllim parandalimin e aksidenteve dhe përmirësimin e sigurisë në rrugë.