Katër persona të dyshuar për trafikim droge janë arrestuar në një operacion policor në Ferizaj, ku u sekuestruan rreth 17.9 kilogramë heroinë. Gjykata Themelore në Prishtinë ka caktuar masën e paraburgimit prej 30 ditësh për secilin prej të arrestuarve A.D., M.B., S.Sh. dhe M.Sh., duke vlerësuar se ekziston rrezik që ata të shmangen nga drejtësia. Të dyshuarit akuzohen për pjesëmarrje në grup kriminal të organizuar dhe për veprat penale të blerjes, posedimit dhe shitjes së narkotikëve. Hetimet vazhdojnë, ndërsa palët e pakënaqura kanë të drejtë ankese në Gjykatën e Apelit përmes Gjykatës Themelore në Prishtinë.