Inspektorati Komunal i Ferizajt ka shqiptuar gjashtë gjoba ndaj qytetarëve që hodhën mbeturina në vende të paautorizuara dhe nuk respektuan orarin e përcaktuar për deponim. Gjobat janë vendosur në rrugët “Zenel Hajdini”, “Uran Tinova”, “Brigada 161” dhe “Ahmet Hoxha”, si dhe në fshatrat Papaz dhe Balaj. Kryeinspektori Feriz Hyseni ka bërë thirrje për respektim të rregullave të grumbullimit të mbeturinave, duke theksuar rëndësinë e angazhimit qytetar për një ambient më të pastër. Komuna e Ferizajt nxit qytetarët të bashkëpunojnë për të ruajtur higjienën dhe pastërtinë në komunitet.