Gjatë javës nga 17 deri më 23 gusht 2026, Policia Rajonale e Ferizajt ka shqiptuar 1,785 gjoba për shkelje të rregullave të komunikacionit dhe ka pezulluar 28 patenta për shkelje të rënda. Në të njëjtën periudhë janë regjistruar gjithsej 56 aksidente, prej të cilave 25 kanë rezultuar me lëndime, duke lënë 35 persona të plagosur, ndërsa 31 aksidente kanë shkaktuar vetëm dëme materiale. Policia ka bërë apel për kujdes dhe respektim të rregullave të trafikut, duke paralajmëruar se do të vazhdojë me masa të shtuara për parandalimin e aksidenteve. Qytetarët janë ftuar të bashkëpunojnë me autoritetet duke raportuar çdo kundërvajtje përmes aplikacionit “Lajmëro policinë” ose në numrin 192.