Kërkimet për gjetjen e Hamëz Ismalit, 80 vjeç nga Ferizaj, vazhdojnë intensivisht pas zhdukjes së tij më 17 gusht. Në operacion janë angazhuar Shoqata e Kosovës për Kërkim dhe Shpëtim, Policia e Kosovës, banorë të Ferizajt dhe fshatit Komogllavë, si dhe janë përdorur dronë për të kontrolluar zona urbane dhe rurale. Pavarësisht përpjekjeve të shumta gjatë tri ditëve të fundit, personi ende nuk është gjetur, ndërsa kërkimet do të vazhdojnë edhe në ditët në vijim. Qytetarët janë lutur të japin çdo informacion të dobishëm për të ndihmuar në gjetjen e tij, duke kontaktuar Policinë ose ekipet e kërkimit.