Inspektorati i Komunës së Ferizajt ka intensifikuar aksionet për parandalimin e hedhjes së mbeturinave në vende të papërcaktuara, duke shqiptuar gjoba ndaj qytetarëve përgjegjës. Raste të tilla janë evidentuar kryesisht në rrugët “12 Qershori”, “Bilall Shala” dhe “Imri Halili”, ku persona të ndryshëm kanë hedhur mbeturina në hapësira të palejuara. Kryeinspektori Feriz Hyseni ka bërë thirrje për bashkëpunim të qytetarëve, duke theksuar rëndësinë e raportimit të këtyre rasteve për ruajtjen e pastërtisë dhe mbrojtjen e ambientit. Inspektorati Komunal paralajmëron se masat kundër ndotjes do të vazhdojnë edhe në ditët në vijim për të garantuar një mjedis më të pastër në Ferizaj.