Qytetarët e Ferizajt po përballen me reduktime të ashpra të energjisë elektrike, ku gjatë ditës së djeshme qyteti ka qenë pa rrymë për rreth 16 orë. Drejtori i Shërbimeve Publike dhe Emergjencave në Ferizaj, Alberton Sahiti, konfirmoi se mungesa e energjisë vazhdon edhe sot në disa pjesë të komunës, ndërsa situata po stabilizohet ngadalë. Arsyeja kryesore e këtyre reduktimeve është prishja e transformatorit T3 në Ferizaj, e shkaktuar nga KOSTT, që ka ndodhur që nga data 13 mars. Ndërkohë, qytetarët shprehin shqetësime për vështirësitë që po hasin në jetën e përditshme për shkak të mungesës së energjisë, ndërsa edhe në Prishtinë janë regjistruar ndërprerje të ngjashme për shkak të dëmtimeve në infrastrukturë.