Një 63-vjeçar nga fshati Balincë i Malishevës ka festuar lindjen e nipit duke shtënë disa herë me armë zjarri në ajër. Policia ka marrë informacion rreth të shtënave dhe ka kryer bastisje në shtëpinë e tij me autorizim të Prokurorit të Shtetit. Gjatë bastisjes janë sekuestruar një pistoletë Beretta, municion dhe një gëzhojë, ndërsa i dyshuari, i cili kishte leje për armën, është hetuar për përdorim të paautorizuar të armës dhe përdorim të armës apo mjetit të rrezikshëm. Pas procedurave, ai është liruar në procedurë të rregullt, ndërsa arma dhe municioni mbeten të sekuestruar si prova materiale.