Të premten në orën 09:30 nis seanca gjyqësore për rastin e dytë ndaj ish-presidentit Hashim Thaçi në Hagë, ku ai akuzohet së bashku me Bashkim Smakajn, Isni Kilajn, Fadil Fazliun dhe Hajredin Kuçin për pengim të administrimit të drejtësisë. Aktakuzat ndaj bashkëakuzuarve u konfirmuan në dhjetor të vitit 2024, ndërsa disa prej tyre kanë qenë në paraburgim deri në shkurt të këtij viti dhe tani do të mbrohen në liri. Të gjithë të akuzuarit kanë deklaruar pafajësinë e tyre dhe presin që fajësia të provohet në gjykatë me vendim të formës së prerë. Ky proces është pjesë e vazhdimit të hetimeve dhe gjykimeve për ish-zyrtarë të lartë të Kosovës në Hagë.