Më 20 korrik 2026 do të mbahet seanca fillestare në Gjykatën Themelore në Prishtinë ndaj 21 personave të akuzuar për masakrën e Reçakut, ku më 15 janar 1999 u vranë 42 civilë. Të pandehurit, pjesëtarë të Ushtrisë së ish-Jugosllavisë dhe MUP-it serb, akuzohen për krime lufte, përfshirë vrasje, trajtim çnjerëzor, shkatërrim të pasurisë dhe spastrim etnik. Hetimet kanë treguar se ata kanë ushtruar dhunë fizike të rëndë ndaj civilëve dhe kanë dëbuar me forcë rreth 20,000 banorë nga disa fshatra përreth. Gjykimi do të zhvillohet në mungesë, pasi të akuzuarit janë të paarritshëm për drejtësinë në Kosovë.