Xheraldina Krasniqi, motra e vlogerit të ndjerë Laurent Krasniqi, ka thyer heshtjen përmes një postimi në rrjetet sociale, duke falënderuar të gjithë ata që kanë qëndruar pranë familjes në këto ditë të vështira. Ajo ka shprehur dhimbjen e thellë për humbjen e vëllait, duke theksuar se kjo ka qenë një goditje e rëndë jo vetëm për familjen, por edhe për të gjithë ata që e kanë njohur Laurentin dhe kanë ndarë me të momente të çmuara. Në mesazhin e saj, Xheraldina ka shprehur krenarinë për veprat dhe energjinë pozitive që vëllai i saj ka lënë pas, duke shpresuar që shpirti i tij të jetë i qetë në paqe. Vdekja e Laurent Krasniqit, pas një aksidenti tragjik me motor në Llukar të Prishtinës, ka tronditur miqtë, ndjekësit dhe komunitetin e tij në rrjetet sociale dhe në botën e televizionit.