Dhomat e Specializuara të Kosovës kanë caktuar datat për deklaratat përfundimtare në gjykimin për administrim të drejtësisë ndaj Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit. Seancat do të zhvillohen më 10, 11 dhe 14 shtator, duke filluar nga ora 09:30 dhe do të jenë të hapura për publikun. Më 20 gusht, gjyqtari miratoi kërkesat e disa të akuzuarve për të ndjekur deklaratat përfundimtare përmes videokonferencës. Gjatë këtyre fjalëve, palët do të përmbledhin argumentet e tyre, duke iu referuar provave dhe dëshmive të administruara, ndërsa të akuzuarit do të kenë fjalën e fundit para mbylljes së çështjes nga Trupi Gjykues.