Një avion Boeing 737 i një kompanie amerikane u përplas me zogj pak pas nisjes nga aeroporti i Myrtle Beach në Karolinën e Jugut, duke shkaktuar flakë në një prej motorëve. Pamjet e publikuara tregojnë flakë dhe shkëndija që dolën nga motori menjëherë pas përplasjes, ndërsa avioni u detyrua të kryente një ulje emergjente në të njëjtin aeroport. Në bord ndodheshin 172 persona, por fatmirësisht nuk u raportuan të lënduar gjatë incidentit. Përplasjet me zogj, të njohura si “bird strikes”, janë një rrezik i njohur për motorët e avionëve, sidomos gjatë fazave të ngritjes dhe uljes.