Zjarri në Malin e Krujës ka nisur që prej mesditës dhe, pas ndërhyrjes ajrore, situata është përkeqësuar pasi helikopterët e emergjencave civile janë larguar. Flakët kanë dalë sërish jashtë kontrollit dhe po zbresin drejt zonave të banuara, duke rritur shqetësimin për sigurinë e banorëve dhe objekteve përreth. Ndërhyrja nga ajri ishte e domosdoshme për shkak të terrenit të vështirë, por pas largimit të helikopterëve zjarri ka vijuar përhapjen. Në vendngjarje janë Forcat Operacionale dhe Forcat e Armatosura, ndërsa banorët kërkojnë ndërhyrje të menjëhershme për të frenuar flakët dhe për të shmangur dëmet në zonat e banuara.