Zjarri që ka përfshirë prej tre ditësh zonën e Mallakastrës vijon të jetë jashtë kontrollit, duke avancuar në terrenin mes Lofkëndit dhe Drenies. Era e fortë po favorizon përhapjen e flakëve drejt Vloshit, duke përfshirë sipërfaqe të reja me bimësi dhe pyje. Për të përballuar situatën e vështirë, është rikthyer ndërhyrja nga ajri, ku helikopterët po hedhin ujë mbi vatrat aktive në mbështetje të forcave zjarrfikëse në terren. Ekipet vijojnë përpjekjet për të frenuar avancimin e zjarrit dhe monitorojnë me kujdes zonat e rrezikuara, ndërsa situata mbetet dinamike dhe e paparashikueshme.