Një mjet lundrues në zonën e “Pemës së Thatë” në Ksamil u përfshi nga flakët, duke rrezikuar jetën e katër turistëve gjermanë që ndodheshin në bord. Falë ndërhyrjes së shpejtë të Policisë Kufitare dhe Njësisë Policore Detare, turistët u evakuuan në kohë dhe u transportuan të sigurt në breg, pa pësuar dëmtime. Ata shprehën mirënjohje për punonjësit e policisë që reaguan menjëherë dhe shpëtuan jetën e tyre. Aktualisht, grupi hetimor po punon për të zbuluar shkakun e zjarrit dhe për të dokumentuar plotësisht rrethanat e ngjarjes.