Një zjarr i madh ka përfshirë mbrëmjen e sotme zonën kodrinore të Radhimës në Vlorë, duke rrezikuar tre hotele dhe disa biznese turistike pranë. Flakët kanë shkrumbuar një lokal dhe një godinë druri që përdorej për aktivitetet verore, ndërsa zjarri po përhapet në pjesën e mbuluar me pemë dhe bimësi shkurrore, duke vështirësuar ndërhyrjen e zjarrfikësve. Forcat e emergjencës janë nisur drejt vendngjarjes dhe po punojnë për izolimin e flakëve dhe parandalimin e përhapjes së tyre në strukturat përreth. Shkaqet e zjarrit ende nuk janë të qarta, por dyshohet për shkëndijë elektrike ose faktorë aksidentalë, ndërsa grupi hetimor pritet të zbardhë rrethanat e ngjarjes.