Një zjarri masiv ka përfshirë fshatin Gojan i Madh në Njësinë Administrative Gjegjan të Bashkisë Pukë, duke u përhapur në një terren të vështirë malor dhe duke kërcënuar banesat e zonës. Autoritetet kanë nisur evakuimin e menjëhershëm të familjeve më të rrezikuara, me përparësi për fëmijët, të moshuarit dhe personat me probleme shëndetësore, ndërsa banorët do të strehohen në ambientet e Konviktit “Ali Bytyçi” me shërbime të sigurta. Në operacionin e shuarjes janë angazhuar forca të shumta, përfshirë 164 efektivë zjarrfikës, punonjës pyjorë, forca bashkiake, vullnetarë dhe 70 efektivë të Forcave të Armatosura, të cilët po përdorin automjete zjarrfikëse dhe helikopterë për ndërhyrje nga toka dhe ajri. Situata mbetet kritike për shkak të erës së fortë dhe përhapjes së flakëve, ndërsa autoritetet dhe strukturat e emergjencës po vazhdojnë koordinimin për kontrollin e plotë të zjarrit dhe sigurinë e banorëve.