Mëngjesin e së martës, një vatër zjarri shpërtheu në lagjen “15 Tetori” të Vlorës, duke përfshirë një hapësirë me pisha dhe shkurre, si dhe duke rrezikuar disa prej shtëpive në zonë. Dyshohet se zjarri është shkaktuar qëllimisht për pastrimin e territorit nga barishtet, por përhapja e flakëve është përshpejtuar nga era e fortë. Forcat zjarrfikëse kanë mbërritur në vendngjarje dhe po punojnë për të shuar zjarrin, i cili është vatra e dytë aktive në këtë zonë brenda pak ditësh. Ndërkohë, një tjetër zjarr në zonën e Llamanit në Himarë është shuar pas një ndërhyrjeje intensive gjatë natës.