Një zjarr i madh ka përfshirë kurorën e gjelbër të Sarandës, në zonën e mbjellë me pisha pranë Manastirit të 40 Shenjtorëve dhe Hotel Turizmit. Flakët po përhapen me shpejtësi në sipërfaqe me bimësi të dendur dhe i janë afruar rrezikshëm disa ndërtesave të banimit dhe hoteleve aty pranë. Për shkak të terrenit të vështirë, është kërkuar ndërhyrja nga ajri, ndërsa forcat zjarrfikëse ndodhen në vendngjarje dhe po punojnë për të vënë nën kontroll zjarret dhe për të krijuar breza mbrojtës. Ende nuk ka informacion zyrtar për shkaqet e zjarrit, por situata mbetet kritike dhe kërkon ndërhyrje të menjëhershme për të parandaluar përhapjen e mëtejshme.