Zjarri që ka përfshirë zonën e Dukatit në Vlorë prej mbrëmjes së kaluar vazhdon të jetë aktiv dhe kërkon ndërhyrje të vazhdueshme nga strukturat e emergjencës. Në terren janë angazhuar dy avionë dhe 40 trupa të Forcave të Armatosura, së bashku me forcat e Emergjencave Civile të Bashkisë Vlorë dhe shërbimet zjarrfikëse, të cilët punojnë për izolimin dhe shuarjen e flakëve. Situata monitorohet në mënyrë të vazhdueshme, pasi zjarri po përhapet në një zonë të mbuluar me shkurre dhe bimësi, duke rrezikuar përhapjen më të madhe. Autoritetet janë në përpjekje intensive për të vënë nën kontroll situatën dhe për të shmangur dëme më të mëdha në zonë.