Një vatër zjarri ka shpërthyer në zonën e Selishtës, në kufirin mes Fierit dhe Mallakastrës, duke detyruar ndërhyrjen e dy reparteve zjarrfikëse nga të dyja qarqet. Zjarrfikësit ndodhen aktualisht në terren dhe po punojnë intensivisht për të izoluar flakët dhe për të parandaluar përhapjen e tyre. Deri tani nuk ka informacione zyrtare mbi shkaqet e zjarrit, sipërfaqen e përfshirë apo nëse janë rrezikuar banesa apo objekte të tjera. Autoritetet vazhdojnë monitorimin e situatës dhe priten njoftime të reja për ecurinë e operacionit.