Një vatër zjarri ka vazhduar për dy ditë në zonën malore të fshatit Lundre, në Njësinë Administrative Ulëz të Bashkisë Mat. Shërbimet zjarrfikëse dhe punonjësit e Shërbimit Pyjor janë angazhuar intensivisht për të izoluar flakët, por terreni i thyer dhe era e fortë kanë vështirësuar ndërhyrjen dhe kanë favorizuar përhapjen e zjarrit. Në afërsi të vatrës ndodhen disa banesa, të cilat aktualisht nuk janë në rrezik falë krijimit të një perimetri sigurie nga ekipet në terren. Operacioni për shuarjen e flakëve vazhdon me monitorim të vazhdueshëm për të parandaluar përhapjen ose riaktivizimin e zjarrit.