Pasditen e sotme në Portin e Shëngjinit, një anije që po ngarkohej me skrap u përfshi nga flakët, duke alarmuar menjëherë strukturat e emergjencës dhe sigurisë në zonë. Dyshohet se zjarri nisi nga një bombul i vogël gazi, i cili për shkak të shkëndijave nga metali mori flakë gjatë procesit të ngarkimit. Falë ndërhyrjes së shpejtë dhe koordinuar të zjarrfikësve të portit, dispeçerëve dhe punonjësve të sigurisë, flakët u shuan shpejt dhe u evitua përhapja në anije të tjera apo ngarkesa pranë. Drejtori i Portit, Andi Marku, konfirmoi se aktivitetet në port vijojnë normalisht dhe grupi hetimor po punon për zbardhjen e plotë të shkaqeve të incidentit.